Körpü çökdü; yol bağlandı – FOTO

Lənkəranda körpü uçub. Avtosfer.az “qafqazinfo”ya istinadən xəbər verir ki, hadisə Ələt - Astara magistralında qeydə alınıb. Boladi çayın üzərindəki körpünün çökməsi nəticəsində yolda maşınların hərəkəti tamamilə dayanıb. Çökməyə səbəb körpüdən keçən yük maşını olub.

"Report" xəbər verir ki, bu gün axşam saat 20:00 radələrindən etibarən körpü üzərində hər iki istiqamətdə nəqliyyatın hərəkəti dayandırılıb. Hazırda Nəqliyyat və Fövqəladə Hallar nazirliklərinin yerli nümayəndələri hadisə yerindədirlər. Ümumi uzunluğu 50 metrə çatan üçaşırımlı körpü 1960-cı illərdə inşa olunub. 42 saylı Lənkəran Yol İstismar İdarəsinin rəis müavini Mövsüm Həsənovun verdiyi məlumata görə, mütəmadi olaraq ağır yük avtomobillərinin üzərindən keçməsi səbəbindən körpünün orta dayaq hissəsi sınıb. Onun sözlərinə görə, körpünün orta hərəkət hissəsində böyük yarğan əmələ gəlib.