Kredit götürən şəxs dünyasını dəyişərsə, BORCU KİM ÖDƏMƏLİDİR?

"Kredit götürən şəxs vəfat etdikdə, əgər kredit məbləği tam və ya qismən sığortalanıbsa, sığorta şirkəti həmin nisbətdə məbləği ödəməlidir".
Avtosfer.az xəbər verir ki, bunu İqtisadiyyat.az-a açıqlamasında Vəkillər Kollegiyasının üzvü, hüquqşünas Rəşad Əliyev deyib.
Onun sözlərinə görə, kredit məbləği sığrtalanmadıqda isə, həmin kreditlə bağlı zamin və ya zaminlər varsa, adətən bank ödənişləri həmin zamin(lər)dən tutulmaya yönəldir.
Hüquqşünas deyir ki, zamin də olmadıqda, bank kredit götürdükdən sonra dünyasını dəyişmiş şəxsin mirasını qəbul etmiş şəxslərdən kredit məbləğini tələb edə bilər: "Yəni vəfat etmiş borclunun krediti Mülki Məcəlləyə uyğun olaraq onun əmlakı hesabına ödənilməlidir. Bu əmlak onun vərəsələrinə keçdikdə, vərəsələr kreditə görə yalnız onlara keçmiş miras həddində məsuliyyət daşıyırlar. Yəni öz əmlakları ilə yox, yalnız miras kimi qalmış əmlakla borcu ödəməlidirlər. Çünki Mülki Məcəlləsinin 1306-cı maddəsinə əsasən, vərəsələr miras qoyanın kreditorlarının mənafelərini alınmış aktivdə özlərindən hər birinin payına mütənasib surətdə birgə borclu kimi tam ödəməyə borcludurlar".
"Həmçinin vəfat edən şəxsin əvəzinə borcu ödəmiş zamin(lər) də vərəsələrdən həmin məbləği tələb etmək hüququna malikdirlər. Əgər vəfat edən şəxsin mirası yoxdursa, yaxud vərəsələri mirası qəbul etmirlərsə, o halda bank vərəsə hesab edilən şəxslərdən kreditin ödənişi tələb edilə bilməz", - R.Əliyev əlavə edib.
Prezidentin Vyetnama səfəri başa çatdı - VİDEO
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI












