Məmurlar yerli avtomobil və mebellərdən istifadə ETMƏLİ OLACAQ – Prezidentdən tələb

Özbəkistan Prezidenti Şavkat Mirziyoyev rəsmi avtomobillərdən və xaricdə istehsal olunan mebellərdən istifadənin azaldılmasını, onların yerli analoqları ilə əvəzlənməsini tələb edib.

Avtosfer.az yerli KİV-ə istinadən xəbər verir ki, bu barədə korrupsiyaya qarşı mübarizəyə həsr olunmuş iclasda qeyd olunub.

Şavkat Mirziyoyev ixtisaslaşdırılmış strukturlara birbaşa satınalmaları yarıbayarı azaltmağı tapşırıb. Həmçinin dövlət satınalmaları sahəsində pozuntuların müəyyən edilməsi və qarşısının alınması üçün süni intellektə əsaslanan elektron sistemin işə salınması barədə göstəriş verilib.

Dövlət vəsaiti hesabına alınan malların və xidmətlərin qiymətləri orta bazar qiymətlərindən 20 faizdən çox olmamalıdır. Bu tələbin pozulması məsuliyyətə və cərimələrə səbəb olacaq.