"Orta Dəhlizdə yüklər 100% "yaşıl enerji" ilə daşınacaq" - Rövşən Rüstəmov

Orta Dəhlizdə yükdaşımalar 100 % “yaşıl enerji” ilə təmin olunacaq.
Avtosfer.az xəbər verir ki, bunu "Azərbaycan Dəmir Yolları" QSC-nin (ADY) sədri Rövşən Rüstəmov jurnalistlərə açıqlamasında bildirib.
“Hazırda dekarbonizasiya ilə bağlı Asiya İnkişaf Bankı (ADB) ilə birgə layihə həyata keçirilir. Bu günlərdə Bankın missiyası Bakıda idi və dəmir yollarının dekarbonizasiya istiqamətində əlavə qrant ayrılmasına dair ilkin razılıq əldə edildi. Bunun sayəsində Orta Dəhliz üzrə yüklərin demək olar ki, 100 % “yaşıl enerji” ilə daşınmasını təmin edəcəyik”, - deyə R. Rüstəmov bildirib.
Qeyd edək ki, bu ilin oktyabr ayında “Azərbaycan Dəmir Yolları” ilə ADB arasında dəmir yollarının dekarbonizasiyası üzrə əməkdaşlıq memorandumu imzalanıb.
Ümumiyyətlə, dəmir yolları qlobal karbon qazı emissiyalarının cəmi 1 %-ni təşkil edir. Azərbaycanda isə dəmir yolu nəqliyyatı ümumi enerji istehlakının 0,12 %-ni və istilik effekti yaradan qazların emissiyasının 0,5 %-dən azını təşkil edir. Ölkənin ümumi qlobal emissiyalardakı payı 0,1 % səviyyəsindədir, burada ADY-nin məsul olduğu illik karbon emissiyası 200 min tondan azdır.
Xatırladaq ki, Orta Dəhliz kimi tanınan Transxəzər Beynəlxalq Nəqliyyat Marşrutu Çin, Qazaxıstan, Xəzər dənizi, Azərbaycan, Gürcüstan və Türkiyə üzərindən keçərək Avropa ölkələrinə qədər uzanan beynəlxalq nəqliyyat marşrutudur. Bakı-Tbilisi-Qars (BTQ) dəmir yolu xətti də bu dəhlizin tərkib hissəsidir.
Prezidentin Vyetnama səfəri başa çatdı - VİDEO
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI












