Paytaxt küçələrində yoldan seçilməyən piyada zolaqları - FOTO

Son illərdə yol-nəqliyyat hadisələri zamanı həyatını itirənlərin 50 faizindən çoxu piyadavurmaların payına düşür. Bu qəzaların baş verməsinə səbəb sürücülərlə yanaşı piyadaların da məsuliyyətsiz davranışlarıdır.
Piyadaların təhlükəsiz şəkildə hərəkəti üçün keçidlər və zolaqlar təşkil olunsa da təəssüf ki, hər kəs istifadə etmir. Müxtəlif bəhanələr gətirən bəzi piyadalar özləriylə yanaşı sürücüləri də qəza riskiylə üz-üzə qoyur. Səhv piyadada olsa belə nəzərdə tutulmuş qanuna əsasən, sürücü məsuliyyətə cəlb olunur. Təbii ki, sürücülərin qayda pozmasıyla nəticələnən qəzalar da kifayət qədərdir. Piyada zolaqdan keçsə də diqqətsiz hərəkət edən, sürət həddini aşan sürücünün qəza törətməsi qaçılmaz olur. Nəticədə isə o, həm özünün, həm də piyadanın həyatını qaraldır.
Digər bir amil isə piyadaların hərəkəti üçün nəzərdə tutulan keçidlərin olmaması, azlığı və zolaqların vaxtında rənglənməməsidir. Ərazidə yeraltı və yerüstü keçidlər olmadığı zaman piyada yolla hərəkət etməli olur. Həmçinin şəhərin bəzi küçələrində piyada zolaqlarının yararsız hala düşməsi yolu keçən insanlar və sürücülər üçün təhlükədir. Yaxınlıqda yaşayan sakinlər yoldan seçilməyən zolağa bələd olsa belə digər piyadalar və sürücülər üçün bunu demək çətindir. Nəticədə yoldan keçən sürücü zolağı görmür və qəzaya səbəb olur. Təbii ki, bu halda günahı piyada və sürücüdə axtarmaq olmaz. Belə olduqda əraziyə nəzarət edən aidiyyəti qurum nəzarəti əldən buraxmamalı və ya insanların müraciətlərinə vaxtında cavab verməlidir.
Məsələn, paytaxtın Məhəmməd Hadi küçəsində piyada zolaqlarının istifadəyə yararsız olmasıyla bağlı fotoşəkil sosial şəbəkədə paylaşılıb. Şəkildən aydın olduğu kimi, zolaq tamamilə görünməz haldadır.
Nəqliyyatın ən sıx olduğu küçələrdən olan “28 Mall” ticarət mərkəzinin qarşısı və “Neftçilər” metrostansiyasının ətrafındakı piyada zolaqları da eyni vəziyyətdədir.
Həmçinin “8-ci kilometr bazarı”nın qarşısı və Sadıqcan küçəsindəki zolaqlar da istifadədən çıxıb.
Ərazidə yaşayan sakinlərin iddiaalarına görə, zolaqlar uzun müddətdir ki, bərbad vəziyyətdədir. Sakinlərin bir qismi, problemlə bağlı bir il öncə yerli icra hakimiyyəti orqanına müraciət etdiklərini, lakin şikayətlərinin nəticəsiz qaldığını əlavə ediblər.
Olduqca mühüm əhəmiyyət kəsb edən bu məsələnin gec də olsa aidiyyəti orqan tərəfindən görüləcəyinə və tez zamanda həll olunacağına ümid edirik.
Nərmin
Prezidentin Vyetnama səfəri başa çatdı - VİDEO
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
















