Prezident sosial sığorta ilə bağlı qanunda dəyişikliyi təsdiqlədi

“Sosial sığorta haqqında” Azərbaycan Respublikasının Qanununda dəyişiklik edilib. 

President.az xəbər verir ki, bununla bağlı Prezident İlham Əliyev müvafiq qanunu imzalayıb. 

Dəyişikliklə 14.8-ci maddəsinə aşağıdakı məzmunda üçüncü və dördüncü hissələr əlavə edilir:

“Sığortaolunanın seçim hüququ cari il ərzində yarandıqda məcburi dövlət sosial sığorta haqqının bu maddənin birinci hissəsinə uyğun olaraq hesablanması seçim hüququnun yarandığı gündən etibarən həyata keçirilir.

Sığortaolunan seçim hüququnu itirdikdə məcburi dövlət sosial sığorta haqqının bu maddənin birinci hissəsinə uyğun olaraq hesablanması seçim hüququnun itirildiyi gündən etibarən dayandırılır”.

Bu Qanun 2024-cü il yanvarın 1-dən qüvvəyə minir.