QORXUNC İDDİA: Bakıda restoran və bazarlara YÜZLƏRLƏ XƏSTƏ DONUZLAR SATILIB – VİDEO

3 min donuzdan yarısı satılıb, satılmayanlarda isə  xəstəlik aşkarlanıb. Buna görə də yaxınlıqdakı fermada saxlanılan donuzlar da tələf olub.

Paytaxtın  Suraxanı rayonu Dədə Qorqud qəsəbəsində  donuzçuluq təsərrüfatı ilə məşğul olan İlqar Əliyev və həyat yoldaşı Tatyana Əliyeva iddia  edir ki, hər  şey qonşuluqdakı fermaya ötən ilin sonlarında 3000-dən donuzun gətirilməsindən sonra olub.

İlqar Əliyevin sözlərinə görə, xəstə donuzlar sonradan restoran və bazarlara satılıb.

Bunu satan şəxsin isə saxlanıldığı bildirilib.

Səslənən iddialarla bağlı yaxınlıqdakı fermaya  baş çəkdik. İçəridə heç kim olmadığından suallarımız cavabsız  qaldı.

Şikayətlə bağlı Qida Təhlükəsizliyi Agentliyi ilə əlaqə saxladıq. Qurumdan bildirildi ki, məsələ nəzarətə götürülüb. Müvafiq araşdırma aparılır, həmçinin hadisənin başvermə səbəblərini aydınlaşdırmaq üçün nümunələr götürülərək laboratoriyaya təqdim olunub.

Araşdırmanın nəticəsinə uyğun müvafiq tədbirlər görüləcək.

Məsələ ilə bağlı Daxili İşlər Nazirliyinin mətbuat xidmətindən isə bildirildi ki, qeyd edilən məsələ araşdırılır.

Mövzu ilə bağlı daha ətraflı videomaterialı təqdim edirik: