Seçicilərin 60 faizdən çoxu SƏS VERİB – RƏSMİ

Bu gün keçirilən prezident seçkilərində saat 15:00-a olan seçici fəallığı açıqlanıb.

Avtosfer.az xəbər verir ki, Mərkəzi Seçki Komissiyası (MSK)  İnformasiya Mərkəzinin müdiri Fərid Orucovun sözlərinə görə, bu saatadək respublika üzrə 3922187 nəfər səs verib, seçici fəallığı 60.54 faiz olub.

Qeyd edək ki, ümumilikdə 6 milyon 478 min 840 nəfər səsvermə hüququna malik seçici qeydə alınıb. Növbədənkənar prezident seçkilərinə bu gün saat 08:00-da start verilib.
Seçkilər saat 19:00-da başa çatacaq.