Şəhəri tanımayan taksi sürücüləri CƏRİMƏLƏNƏCƏK

Moskva meri Sergey Sobyanin şəhəri tanımadıqları üçün taksi sürücülərini cərimələmək qərarına gəlib.

Avtosfer.az "Lent.az"a istinadən xəbər verir ki, paytaxtın İnzibati Xətalar Məcəlləsinə dəyişiklik edilməsi haqqında qanun merin rəsmi portalında yerləşdirilib.

Paytaxtdakı əsas obyektləri tanımaq üçün sertifikatlaşdırmadan keçməmiş sürücülərə beş min rubl məbləğində cərimə tətbiq ediləcək.

Bakıda "GlobE Network" çərçivəsində 6-cı plenar iclasın açılış mərasimi keçirilir
Taksi sürücüləri nəqliyyat infrastrukturunun, mədəni irsin, idmanın, təhsilin, tibb təşkilatlarının və dövlət qurumlarının yerləşdiyi yerləri, onlara gedən yolları yadda saxlamalıdırlar.

Müvafiq qanun mayın 21-də Moskva Şəhər Duması tərəfindən qəbul edilib.