Şose üzərində yerləşən nəzarət-buraxılış məntəqəsinə silahlı hücum: azı 10 polis həlak oldu

Əfqanıstanda “Taliban” radikal hərəkatı yaraqlılarının hücumu nəticəsində azı 10 hüquq mühafizə orqanının əməkdaşı həlak olub. Avtosfer.az xəbər verir ki, insident ölkənin şimal-şərqində yerləşən Baqlan əyalətində baş verib. Bu barədə “Ariana New” agentliyi məlumat verib.

Agentliyin məlumatına görə, silahlılar şose üzərində olan nəzarət-buraxılış məntəqəsinə basqın ediblər. 

Terroristlərdən ölən və ya xəsarət alanlar barədə məlumat verilmir.

Namiq Musayev