Sosial şəbəkələrin qlobal ŞOK YARADAN ÇÖKÜŞÜ: “Mövcud hesabların təhlükəsizliyi baxımından…”

“Martın 7-də Avropa ərazisində rəqəmsal xidmətlər haqqında yeni qanunvericiliyin qüvvəyə minməsi gözlənilir”. Bu fikirləri ötən gün bəzi sosial şəbəkələrdə bir neçə saat davam edən çökmənin səbəbləri haqda danışan İnformasiya Təhlükəsizliyi üzrə mütəxəssis Fərhad Mirəliyev Yenicag.az-a açıqmasında deyib.

Onun sözlərinə görə, müşahidə edilən bu kimi halların gələcəkdə baş verməsi heç vaxt istisna deyil:
“Veb-servislərin, o cümlədən, sosial şəbəkələrin işində baş verən qəza, dayanma halları əvvəlki illərdə də baş verib və gələcəkdə də olması istisna edilə bilməz. Çünki belə servislərin çalışması ilə bağlı əlçatanlıq yüz faiz deyil. Hətta ödənişlə aldığımız bulud xidmətləri belə müqavilədə 99 faiz civarında əlçatanlıq vəd edir. Bu, praktikada normal sayılan məsələdir.
Ötən gün axşam saatlarında bir neçə sosial şəbəkənin fəaliyyətində problem yaşanmasına, “Facebook” və “Instagram”la yanaşı, “WhatsApp”, “Tik-tok” proqramlarının da müəyyən regionlarda dayanmasına Qırmızı dənizin dibi ilə gedən “Asia-Africa-Europe-1” magistral internet xəttinin zədələnməsinin səbəb olduğu bildirildi.
Asiya, Avropa və Afrikanı birləşdirən bu trafikin 25 faizi Yəmən ərazisindən keçir. Lakin “Meta” şirkəti texniki problemin özlərindən qaynaqlandığını açıqlayıb. Martın 7-də Avropa ərazisində rəqəmsal xidmətlər haqqında yeni qanunvericiliyin qüvvəyə minməsi gözlənilir. Ola bilsin ki, bu məsələ ilə bağlı hansısa tənzimləmələr icra edilərkən xəta baş verib. Problem bu ehtimallarla əlaqədardır.
Düşünürəm ki, burada xüsusi bir məsələ yoxdur, sadəcə, gözləmək, servis bərpa olduqdan sonra istifadəyə davam etmək mümkündür. Fikrimcə, sosial şəbəkə hesablarının təhlükəsizliyi baxımından ediləcək hər hansı bir fəaliyyət olmadığına görə, gözləyərək daha sonra baş verənlərə uyğun qərar qəbul etmək mümkündür”.
Prezidentin Vyetnama səfəri başa çatdı - VİDEO
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI












