Sumqayıt-Bakı qatarının gecikmə səbəbi açıqlandı

“Azərbaycan Dəmir Yolları” QSC (ADY) bu gün səhər saatlarında Sumqayıt-Bakı elektrik qatarında gecikmə olması ilə bağlı yayılan xəbərlərə münasibət bildirib.

QSC-nin Mətbuat Katibliyi Şöbəsinin rəisi Sənubər Nəzərova açıqlamasında bildirib ki, hadisə qatarda yaranan texniki nasazlıq səbəbindən baş verməyib:

“Güclü küləyin əsməsi nəticəsində cərəyan qabuledici naqillərin zədələnməsi səbəbindən qatarların hərəkət qrafikində cüzi kənara çıxma halı ( 6-8 dəqiqə) qeydə alınıb”.