Sürücünü trosla boğmağa başladı – Bakıda dəhşət

Bakıda sərnişin sürücünü ölümlə hədələyib maşınını əlindən aldı. Avtosfer.az “qafqazinfo”ya istinadən xəbər verir ki, hadisə Xəzər rayonu ərazisində baş verib.

Ziya Bünyadov prospektində naməlum şəxs taksi fəaliyyəti ilə məşğul olan Bakı sakini 1958-ci il təvəllüdlü Şövkət Cəfərovun idarə etdiyi Kia markalı avtomobilə əyləşərək Albalılıq massivinə getmələrini deyib.

Orada həmin sərnişin taksi sürücüsünün boğazına dəmir tros ataraq boğmağa başlayıb. Sonra onu bıçaqla hədələyərək avtomobildən düşürüb. Sərnişin Ş.Cəfərovun maşınına oturaraq sürüb gedib.

Həmin şəxs 1 saat sonra avtomobili H.Əliyev prospektində maneəyə vurub. Sonra isə hadisə yerini tərk edərək oradan uzaqlaşıb.