"Tour d’Azerbaidjan" veloyürüşündə III mərhələyə start verilib
Gündəm
8 May 2015 12:47
Oxunub 1172
Velosipedçilər 177,2 km məsafə qət edəcəklər
Bu gün Beynəlxalq Velosipedçilər İttifaqının (UCİ) 2.1 kateqoriyalı "Tour d’Azerbaidjan-2015" beynəlxalq veloyürüşünün üçüncü mərhələsi başlayıb. Avtosfer.az xəbər verir ki, velosipedçilər Qəbələ rayon İcra Hakimiyyətinin qarşısından start götürüb.
24 ölkədən 25 komandanın 148 pedal ustası bu mərhələdə Qəbələ-Oğuz-Şəki və Şəki-Oğuz-Qəbələ marşrutu ilə ümumilikdə 177,2 km məsafə qət edəcəklər. Üçüncü mərhələyə Qəbələ rayon İcra Hakimiyyətinin qarşısında yekun vurulacaq.
Qeyd edək ki, Yarışın ilk mərhələsində "Synergy Baku" komandasında yer alan Maksim Averin üçüncü, ikinci gün isə “Synergy Baku”nun üzvü Matey Muqerli ikinci olub.
ŞƏRH YAZ
