Vətəndaşa verilən inəyin yıxılması görüntüsü gündəm oldu: Agentlik açıqlama yaydı - VİDEO

Sosial şəbəkələrdə Balakən sakininə rayonun Məşğulluq Mərkəzi tərəfindən verilən inəklərlə bağlı videogörüntülər yayılıb.
Müzakirələrə səbəb olan görüntülərdə rayonun Şambul kənd sakini Zaur Ömərova özünüməşğulluq məqsədilə verilən heyvanlardan birinin ayaqüstə dura bilmədiyi, yıxıldığı görünür. Müzakirələrdə qeyd olunur ki, sakin heyvanlardan razılıq etsə də, yayılan video inəyin sağlamlıq durumunu şübhə altına qoyur.
Məsələ ilə əlaqədar Dövlət Məşğulluq Agentliyinə müraciət etdik. Qurumdan sorğumuza cavab olaraq bildirildi ki, özünüməşğulluq proqramı iştirakçısı Ömərov Zaur Azad oğluna verilmiş heyvanlar tam sağlam olub və baytar sənədi əsasında təhvil verilib: “Özünüməşğulluq proqramına qoşulmuş Balakən rayon sakini Ömərov Zaura 2022-ci ilin iyun ayında aktivlərin (malların) təqdim olunması zamanı çəkilən videogörüntülər Dövlət Məşğulluq Agentliyi tərəfindən araşdırılıb.
Bildiririk ki, Z.Ömərov istəyinə uyğun olaraq “Maldarlıq təsərrüfatı” zərfi üzrə Özünüməşğulluq proqramına qoşulub, 2022-ci ilin iyun ayında 3 baş inək və 400 kq. qarışıq yemlə təmin edilib. Zaur malları şəxsən özü seçərək, razılığını bildirərkən yük avtomobilində heyvanlardan birinin yıxılması görüntüsü düzgün olmayan fikirlərin yaranmasına səbəb olub. Belə ki, inəklərin aparılması üçün gətirilən avtomobilin yük yeri kiçikhəcmli olduğundan sıxlıq yaranıb, biri büdrəyərək yıxılıb. Aktivlər vətəndaşa tam sağlam, baytar sənədi əsasında təhvil verilib”.
Agentlikdən həmçinin bildirilib ki, vətəndaş tərəfindən ona verilən heyvanlardan heç bir narazılıq və bu barədə hər hansı müraciət olmayıb. Bir neçə ay sonra qurum tərəfindən heyvanlara baxış zamanı onlaarın satıldığı ortaya çıxıb: “2022-ci ilin dekabrında Zaur Ömərovun özünüməşğulluq fəaliyyətinin dəyərləndirilməsi məqsədilə keçirilmiş baxış zamanı həyat yoldaşı verilmiş aktivləri artıq satdıqlarını, Zaurun isə Rusiya Federasiyasında işlədiyini bildirib”.
Qeyd edək ki, bundan əvvəl də özünüməşğulluq proqramı çərçivəsində vətəndaşlara verilən heyvanların xəstə olması ilə bağlı iddialar səsləndirilib, fotolar yayılıb. (qafqazinfo)
Prezidentin Vyetnama səfəri başa çatdı - VİDEO
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI












