“Zəngəzur dəhlizi” bu tarixdə açıla bilər - Nazir AÇIQLADI

“Zəngəzur dəhlizi” ilə bağlı layihə 2028-ci ilə qədər tam şəkildə həyata keçirilə bilər”.

Bunu Türkiyənin “TVnet" televiziyasına müsahibəsi zamanı Türkiyənin nəqliyyat və infrastruktur naziri Abdulkadir Uraloğlu deyib.

Onun sözlərinə görə, “Zəngəzur dəhlizi” 2028-ci ilə açıla bilər:

"Son vaxtlar Ermənistandan layihə ilə bağlı müsbət siqnallar gəlir. Marşrutun 43 kilometrlik hissəsi Ermənistan ərazisindən keçir və onlar da öz növbəsində planlaşdırma və tenderlə bağlı prosesləri yekunlaşdırmalıdırlar”.

O əlavə edib ki, Türkiyə də layihə ilə bağlı İranla danışıqlar aparır.

“Türkiyə öz ərazisindən keçən 224 kilometrlik hissədə müvafiq infrastrukturun yaradılması işlərini davam etdirir, işlərin yaxın 5 ildə başa çatdırılması planlaşdırılır. Beləliklə, “Zəngəzur dəhlizi” 2028-ci ilə qədər tam şəkildə həyata keçirilə bilər”, - deyə Uraloğlu fikrini yekunlaşdırıb.(news24.az)