78 yaşlı baba nəvəsinin 30 dəfə BIÇAQLADI

Naxçıvanda 78 yaşlı kişi nəvəsinin sevgilisini öldürməyə cəhd edib.

Avtosfer.az Oxu.Az-a istinadla xəbər verir ki, hadisə Şərur rayonunun Çomaxtur kəndində baş verib.

Rayonun Alışar kənd sakini Fəxrəddin Məmmədov (soyad şərtidir - red.) rayon ərazisindəki marketlərdən birində satıcı işləyərkən ora alverə gələn xanımla tanış olub. Bir müddətdən sonra onların arasında sevgi münasibətləri başlayıb və günlərin birində xanım Fəxrəddini yaşadığı evə çağırıb. Qadın gecə saatlarında Çomaxtur kəndində yaşadığı evin həyət darvazasını açıq qoyub və sevgilisindən gecə saat 02 radələrində gəlməsini xahiş edib. Fəxrəddin mağazadan 2 litr pivə alaraq xanımın ora gəlib. O, həyətə daxil olarkən it hürməyə başlayıb. Bu vaxt xanımın babası, 1948-ci il təvəllüdlü Vaqif Rzayev (soyad şərtidir - red.) həyətə çıxıb. Fəxrəddin onu görərək pəncərədən xanımın yatdığı otağa daxil olub. Həyətdə kiminsə olduğunu hiss edən V.Rzayev nəvəsindən şübhələnərək onun yatdığı otağın qapısını döyüb. Lakin xanım qorxusundan qapını açmayıb, Fəxrəddin isə çarpayının altında gizlənib.

Vaqif mətbəxdən bıçaq qotürüb və nəvəsinin otağının qapını qıraraq açıb. O, otaqda kiminsə olduğunu soruşduqda nəvəsi bunu inkar edib. Nəvəsinə inanmayan Vaqif çarpayının altında gizlənən Fəxrəddini aşkarlayıb və ona bədəninin müxtəlif nahiyələrindən 30-dan artıq bıçaq zərbəsi endirərək onu qətlə yetirmək istəyib. Səsə gələn digər ailə üzvləri Fəxrəddini onun əlindən alaraq xəstəxanaya çatdırıblar.

Faktla bağlı cinayət işi başlanılıb. Polis əməkdaşlarının keçirdikləri tədbirlərlə baba saxlanılaraq istintaqa təhvil verilib.

Naxçıvan Ağır Cinayətlər Məhkəməsinin hökmü ilə V.Rzayev 7 il 10 ay 15 gün azadlıqdan məhrum edilib.