ABŞ-də azərbaycanlı 3 uşaq atası olan həmyerlisini qətlə yetirdi - İki yaralı var

Hadisə Vaşinqtonda baş verib. Avtosfer.az ABŞ-dəki məlumatlı mənbəyə istinadla xəbər verir ki, 3 azərbaycanlı arasında yaranan mübahisə ölümlə nəticələnib. Vaşinqtonda yaşayan azərbaycanlı eyni mərtəbədə yaşayan digər azərbaycanlıdan tələb edib ki, bir daha ona salam verməsin. Bundan narazı qalan həmyerlimiz məsələni eyni binada yaşayan yeznəsinə danışıb və vəziyyət dramatikləşib.
Əsəbləşən yeznə sözügedən azərbaycanlını binanın altındakı parkinqə söhbətə çağırıb. Razılığa gələ bilməyən tərəflər bıçağa əl atıb. Yeznənin salam verməməyi tələb edən azərbaycanlıya vurduğu bıçaq zərbəsi ölümcül olub. Lakin zərərçəkən də öz növbəsində qonşusunu və yeznəni ağır yaralaya bilib. Onlar hazırda xəstəxanadadırlar. 
Hər 3 azərbaycanlı çatdırma xidmətində çalışıb. 2 qonşu arasında münasibətlərin pisləşməsinə səbəb birinin digərinə borcunu qaytarmaması olub. 
Məsələ ABŞ mətbuatında da yer alıb. Lakin yerli media ənənəsinə görəı zərərçəkənlərin adları açıqlanmayıb.
İşin pis tərəfi isə öldürülən şəxsin 3 uşaq atası olmasıdır.

Vüqar