Abşeronda sürücü avtomobillə itlərin üstündən keçdi - VİDEO

Abşeronda sürücü idarə etdiyi avtomobili binanın həyətində yatan itlərin üzərindən sürüb.

Avtosfer.az-ın Teleqraf-a istinadən xəbərinə görə, rayonun Masazır qəsəbəsindəki "Qurtuluş 93" yaşayış kompleksində, "Baxçalı Evlər" MTK-ya məxsus ərazidə ürəkağrıdıcı hadisə baş verib.

Kompleksdə 15B saylı binanın qarşısında həyətə daxil olan 99-FR-126 dövlət nömrə nişanlı "Ford" markalı yük avtomobili sürücüsünün səhlənkarlığı və qəddarlığı nəticəsində sakit yatmış 4 küçə itinin üzərindən keçib.

Hadisə zamanı 3 it yerindəcə tələf olub, birinin isə arxa ayaqları sınıb. Hadisə məhəllədə oynayan uşaqların və yaxınlıqda yaşayan sakinlərin gözü qarşısında baş verib.

Şahidlərin sözlərinə görə, sakinlər sürücüyə avtomobildən enərək itlərə yardım göstərməli olduğunu söyləsələr də, o, insanları təhqir edərək hadisə yerindən sürətlə uzaqlaşıb.