Nərimanovdakı 2 zolaqlı küçədə parklanan maşınlar tıxac yaradır - VİDEO

Nərimanov rayonunda sürücülərin yaratdığı vəziyyət sakinləri narahat edir.

Avtosfer.az xəbər verir ki, Nərimanov rayonu Faiq Yusifov sürücülər avtomobillərini harada gəldi park etməklə ərazidə böyük tıxaca səbəb olurlar. Yaxınlıqdakı məktəbə övladını gətirən valideynlərlə yanaşı idarə və müəssisələrin sahibləri də cəmi 2 zolaqdan ibarət olan yolun bir hissəsini öz maşınları ilə zəbt elədiyi üçün hərəkət daha da çətinləşir.

Sakinlər bildirir ki, yaranan vəziyyətə görə dəfələrlə təcili tibbi yardım və yanğınsöndürən nəqliyyat vasitələri ünvana vaxtında çata bilməyib və nəticələr ağır olub.

Bu səbəbdən ərazidə yaşayanlar aidiyyəti qurumlardan Faiq Yusifov küçəsində müvafiq yol nişanlarının quraşdırılması ilə ərazidə dayanma və durmanın qadağan olunmasını xahiş edirlər.

Səfər