Astarada itkin düşən məktəbli tapılıb - FOTO

Astarada itkin düşən məktəbli tapılıb.

Avtosfer.az xəbər verir ki, bu barədə DİN-in Mətbuat Xidmətinin Lənkəran regional qrupundan APA-ya bildirilib.

Qeyd olunub ki, Astarada itkin düşən azyaşlı polis əməkdaşları tərəfindən tapılaraq ailəsinə təhvil verilib.

**

Astarada 3-cü sinif şagirdi itkin düşüb.

Avtosfer.az-ın verdiyi məlumata görə, hadisə Astara rayonunun Maşxan kəndi ərazisində baş verib. Məktəbdən evə qayıdan 9 yaşlı Reyhan Məmmədzadənin itkin düşdüyü bildirilir.

Faktla bağlı polisə məlumat verilib.

DİN-in Mətbuat Xidmətinin Lənkəran regional qrupundan Avtosfer.az-ın sorğusuna cavab olaraq bildirilib ki, axtarış elan olunub. Azyaşlının tapılması üçün polis əməkdaşları tərəfindən tədbirlər görülür.