Avtomobil piyada keçidinə düşdü - VİDEO - YENİLƏNİB

Biləcəri-Lökbatan yolunda baş verən avtoqəzanın bəzi detalları məlum olub.

Baş Dövlət Yol Polisi İdarəsinin (BDYPİ) İctimai qurumlarla əlaqə şöbəsinin xüsusilə mühüm tapşırıqlar üzrə baş inspektoru, polis polkovnik-leytenantı Mübariz Ağayev cavab olaraq bildirib ki, hadisə bu gün saat 7:15-də baş verib:

"Elşad Elqam oğlu Abbasov 90-MG-124 dövlət nömrə nişanlı avtomobili ilə Bakı Kənar Dairəvi yolda hərəkətdə olarkən idarəetməni itirərək onu maneəyə çırpıb. Nəticədə avtomobil aşaraq piyada keçidinə düşüb. Hazırda faktla bağlı araşdırma aparılır".

***

Bakıda avtomobil piyada keçidinə düşüb.

Avtosfer.az xəbər verir ki, hadisə Biləcəri-Lökbatan yolunda olub.

Belə ki, minik avtomobili idarəetməni itirərək yeraltı piyada keçidinə düşüb.

Sürücünün xəsarət aldığı bildirilir.

(oxu.az)