Avtomobil salonuna partlayıcı atıb qaçan şəxs axtarılır - VİDEO

Polis avtomobil salonuna əldəqayırma partlayıcı ataraq qaçan şübhəli şəxsi axtarır. Avtosfer.az xəbər verir ki, hadisə aprelin 14-də Türkiyənin İstanbul şəhərində baş verib.

Məlumata görə, şəhərin Bağcılar rayonu 100 il məhəlləsində şəxsiyyəti məlum olmayan şübhəli şəxs avtomobil salonuna gəlib. Cinayətkar mağaza müdiri B.Ş.-yə zəng edərək onu çölə çıxardıqdan sonra əldəqayırma partlayıcını avtomobil salonuna ataraq qaçıb. Partlayış nəticəsində salonun pəncərələri və içərisi zədələnib, ölən və yaralanan olmayıb.

Ətrafdakı şəxslərin xəbər verməsindən sonra hadisə yerinə yanğınsöndürənlər və polis əməkdaşları gəlib. Polis əməkdaşları ərazidə təhlükəsizlik tədbirləri həyata keçiriblər. Müəssisə sahiblərinin təxminən 1 ay əvvəl bir qrup tərəfindən təhdid edildiyi məlum olub.

Hadisəni törədən şəxsin saxlanılması istiqamətində əməliyyat-axtarış təbirləri həyata keçirilir.

Namiq Musayev