Avtomobillərə daş atan şəxs zərərsizləşdirilib

İsrailin Müdafiə Ordusu İordan çayının qərb sahilində magistral yolda avtomobillərə daş atan fələstinli radikalın zərərsizləşdirildiyini bildirib.

Avtosfer.az “Report”a istinadən xəbər verir ki, bu barədə ordunun mətbuat xidmətinin məlumatında deyilir.

"Turmus Aya bölgəsində keçirilən antiterror əməliyyatı zamanı əsgərlər magistral yola doğru daş atan və bununla da avtomobillə gedən mülki vətəndaşları təhlükəyə atan 3 terrorçunu görüblər. Əsgərlər mülki şəxsləri təhlükəyə atan terrorçulara atəş açıb, 1 terrorçu öldürülüb, 2 terrorçu isə yaralanıb", - məlumatda deyilir.

Qeyd edilir ki, İsrail Ordusu bu ərazinin sakinlərini qorumaq üçün fəaliyyətini davam etdirəcək.