Azərbaycana keçənlər Ermənistana qaytarıldı - YENİLƏNİB

Azərbaycan-Ermənistan sərhədində itkin düşdüyü bildirilən iki nəfər Ermənistana qaytarılıb.

Avtosfer.az xəbər verir ki, bu barədə Ermənistanın Sünik (Zəngəzur) vilayətinin Tex (Dığ) kənd icmasının rəhbəri David Qulunts məlumat verib.

Ermənistan Milli Təhlükəsizlik Xidməti həmin şəxslərin tapıldığını təsdiqləyib və daha sonra ətraflı məlumat açıqlanacağını bildirilib.

***12:52
Ermənistan Milli Təhlükəsizlik Xidməti (MTX) Sünik rayonundan olan iki azyaşlının azaraq Azərbaycan ərazisinə keçdiyini bildirib.

Avtosfer.az xəbər verir ki, bu barədə “Report” Ermənistan KİV-ə istinadən xəbər verir.

Bildirilir ki, Sünik rayonunun Tex icmasının sakinləri - 2007-ci il təvəllüdlü Karen Cangiryan və 2008-ci il təvəllüdlü Andrey Qyaqunts iyunun 6-na keçən gecə saat 01:20 radələrində Aravus kəndi ilə bitişik ərazidə azaraq Azərbaycan ərazisinə keçiblər.

Ermənistan MTX bəyan edib ki, yeniyetmələrin yerinin müəyyən edilməsi və onların təhlükəsiz şəkildə geri qayıtması üçün bütün lazımi tədbirlər görülür.

***

Ermənistan tərəfindən iki azyaşlının azaraq Azərbaycan ərazisinə keçməsi barədə yayılan məlumatlar araşdırılır.

Avtosfer.az xəbər verir ki, bu barədə Azərbaycanın Müdafiə Nazirliyindən bildirilib.