Azyaşlı velosipedçilər yük maşını ilə toqquşmadan son anda xilas oldular - VİDEO

Paytaxtın Nizami rayonu, Məmməd Səid Ordubadi və Əlif Hacıyev küçələrinin kəsişməsində təhlükə yaradan velosipedçilər anbaan görüntülənib.

Bu barədə izləyicilərdən biri Avtosfer.az-ın “Whatsapp” ünvanına videomaterial göndərib. Kadrdan da göründüyü kimi, velosiped sürən azyaşlılar yola baxmadan yolayrıcına daxil olublar. Nəticədə onlardan biri sol tərəfdən gələn yük maşınına çırpılmaqdan son anda xilas olub. Digəri isə saniyə ilə baş verəcək qəzadan qurtulub. İzləyicinin sözlərinə görə, sözügedən ərazidə demək olar ki, belə xoşagəlməz mənzərə tez-tez müşahidə edilir. Eyni zamanda o, azyaşlıların dəfələrlə qəza riskinə səbəb olduqlarını əlavə edib.

Xatırladaq ki, qanunvericiliyə əsasən, 14 yaşdan aşağı şəxslərin velosipedlə yola çıxması qadağandır. Təbii ki, bu halda uşağın valideynləri məsuliyyət daşıyır.

Nərmin