Bakı küçələrində şam ağacı kimi bəzədilmiş “SantaBus” avtobusu - VİDEO

Paytaxtda “Yeni ilə” görə bəzədilmiş avtobusun görüntüləri sosial şəbəkələrdə geniş yayılıb. 

Avtosfer.az xəbər verir ki, 99-XT-639 dövlət nömrə nişanlı “Daewoo” markalı avtobusun sürücüsü nəqliyyat vasitəsinin üzərinə işıq cihazları quraşdırıb. Hətta nəqliyyat vasitəsinin ön alın şüşəsinə işıqla “SantaBus” və “2025” yazıları qeyd olunub. Lakin kadrlarda da göründüyü kimi, avtobus sərnişin daşımır. 

Qeyd edək ki, sosial şəbəkə istifadəçiləri sözügedən nəqliyyat vasitəsinin Mehdiabad - Azadlıq prospekti marşrut xətti üzrə hərəkət edən 108B saylı sərnişin avtobusunun olduğunu bildiriblər. 

Xatırladaq ki, avtomobilə əlavə işıq cihazlarının quraşdırılması qəzalara gətirib çıxarır. Bu, digər hərəkət iştirakçılarının fikrini yayındırmaqla yanaşı avtomobildə qısaqapanmaya və yanğına səbəb ola bilər. Belə ki, İnzibati Xətalar Məcəlləsinin 342.2.2 maddəsinə əsasən, avtomobilə qanunsuz işıq cihazlarının quraşdırılmasına görə 150 manat məbləğində cərimə nəzərdə tutulub. 

Nərmin