Bakı-Qazax yolunda hərəkətdə olan yük maşını yandı - FOTO

Kürdəmir rayonunda yük maşını yanıb. Avtosfer.az xəbər verir ki, hadisə Bakı-Qazax əsas magistral yolunun rayonun Sığırlı kəndindən keçən hissəsində qeydə alınıb. İritutumlu yük maşını həmin istiqamətdə hərəkətdə olarkən anidən alışıb. Əraziyə Fövqəladə Hallar Nazirliyi (FHN) Kürdəmir Rayon Dövlət Yanğından Mühafizə Hissəsinin canlı qüvvəsi və texnikası cəlb olunub. Yanğın söndürülüb və genişlənməsinin qarşısı alınıb. Faktla bağlı araşdırma aparılır.