Banner

Bu küçədə çuxurların əlindən hərəkət çətinləşib - Şikayətlər cavabsız qalıb - VİDEO

Hadisə 19 Noyabr 2026 18:00
Bu küçədə çuxurların əlindən hərəkət çətinləşib - Şikayətlər cavabsız qalıb   - VİDEO
WhatsApp kanalımıza abunə olun

Paytaxtın Binəqədi rayonu, Biləcəri qəsəbəsində yerləşən Məlik Aslanov küçəsində yol istifadəyə yararsız vəziyyətdədir.

Avtosfer.az-ın məlumatına görə, bununla bağlı görüntülər sosial şəbəkələrdə paylaşılıb.

Kadrlardan görünür ki, yol örtüyü aşınıb, müxtəlif hissələrdə dərin çuxurlar yaranıb. Nəticədə ərazidən istifadə edən sürücülər çətinliklə üzləşirlər. Çuxurlara düşməmək üçün manevr edən sürücülər bəzən qarşı hərəkət zolağına çıxmağa məcbur olurlar. Lakin bu da çuxurlardan yayınmağa hər zaman imkan vermir.

Xüsusilə yağışlı havalarda çuxurlar su ilə dolduğundan onların dərinliyini müəyyənləşdirmək çətinləşir. Bu isə yolda hərəkəti daha da mürəkkəbləşdirir.

Sakinlər bildirirlər ki, problem uzun müddətdir davam etsə də, indiyədək yolun təmiri ilə bağlı hər hansı tədbir görülməyib. Onlar yaranmış vəziyyətin həm sürücülər, həm də ərazidə yaşayan insanlar üçün ciddi narahatlıq yaratdığını qeyd edirlər.

Nərmin

bax.tvhttps://bax.tv/embed/229017.html

 

 

Oxunub : 206
ŞƏRH YAZ
Ad

E-mail

Şərh