Bakıda məşhur hoteldə yanğın baş verib - FOTO - VİDEO

Novxanı qəsəbəsində yerləşən məşhur "AF Hotel" istirahət mərkəzində güclü yanğın başlayıb. Hadisənin miqyası getdikcə genişlənir və alov kompleksi bürüməkdədir. Avtosfer.az xəbər verir ki, ətrafda yaşayan sakinlərin sözlərinə görə, hotelin ərazisindən qəfil qara tüstü dumanı ucalmağa başlayıb və qısa müddətdə alov bütün binanı bürüyüb. Hadisə yerinə dərhal Fövqəladə Hallar Nazirliyinin Dövlət Yanğından Mühafizə Xidmətinin çoxlu sayda yanğınsöndürən maşını və canlı qüvvəsi cəlb olunub. Hazırda alovun söndürülməsi və yaxınlıqdakı tikililərə keçməsinin qarşısının alınması istiqamətində operativ tədbirlər davam etdirilir. Xəsarət alanların olub-olmaması barədə hələlik rəsmi məlumat yoxdur.

***

Novxanıda “AF Hotel & Aqua Park" kompleksində yerləşən hoteldə yanğın baş verib. Məlumata görə, hotel "AF Holdinq Şirkətlər Qrupu"nun sahibi, iş adamı Azay Möhnətova məxsusdur. A.Möhnətov, eyni zamanda "EuroHome" tikinti materialları, "Uğur-97" şirkətlərinin də sahibidir. Xatırladaq ki, bundan əvvəl “EuroHome” tikinti materialları bazarında da güclü yanğın hadisəsi olmuşdu.