Bakıxanovda avtomobil piyadanı vuraraq yaraladı

Bakının Sabunçu rayonunda piyadanın xəsarət alması ilə nəticələnən yol-nəqliyyat hadisəsi baş verib. 

Avtosfer.az report-a istinadən xəbər verir ki, hadisə rayonun Bakıxanov qəsəbəsində qeydə alınıb.

1994-cü il təvəllüdlü İbrahimov Rafael Rasim oğlu yolu keçərkən onu avtomobil vurub. Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona qapalı kəllə-beyin travması diaqnozu qoyulub.

Faktla bağlı araşdırma aparılır.