Balakəndə TOYDA DAVA: ofisiant döyüldü, qonaqlar saxlanıldı

Balakəndə dava düşüb.

Avtosfer.az xəbər verir ki, hadisə rayonun Tülü kəndində yerləşən şadlıq sarayında qeydə alınıb.

Orada keçirilən toy mərasimində düşən davada ofisiant, 31 yaşlı R.Nuriyev döyülüb. Müxtəlif xəsarətlər alan ofisiant xəstəxanaya yerləşdirilib. 

Ofisiantı döyənlər isə qonaqlar olub. 

Daxili İşlər Nazirliyinin Mətbuat Xidmətinin Şəki regional qrupundan Avtosfer.az-a bildirilib ki, hadisəni törədən 3 nəfər polis əməkdaşları tərəfindən saxlanılıb.

Döyülənin xəsarəti ilə bağlı müvafiq ekspertiza təyin olunub.

Araşdırmalar davam etdirilir.