Bıçaqla taksi sürücüsünə hücum edərək avtomobilini qaçırtdılar

Rusiyanın Tümen şəhərinin yaxınlığında, taksi sürücüsünə bıçaqla hücum edən və avtomobilini oğurlayan iki 22 yaşlı oğlan saxlanılıb.

Avtosfer.az bu barədə medianews.az-a istinad edərək xəbər verir.  

Hüquq-mühafizə orqanlarının məlumatına görə, saxlanılanlar üç həftədən az əvvəl azadlığa buraxılmış təkrar cinayət törədən şəxs və onun dostudur.

Onlar taksi sürücüsünə hücumu əvvəlcədən planlaşdırdıqlarını etiraf ediblər. İki gənc bıçaqlarla silahlanıb taksi çağırıblar. Daha sonra avtomobildə taksi sürücüsünə bıçaqla zərbələr endiriblər. Nəticədə kişi üz və boyun nahiyəsindən çoxsaylı xəsarətlər alıb.

Zərərçəkən şəxs avtomobildən düşdükdən sonra gənclər avtomobili oğurlayıblar. Onlar nömrələri ört-basdır edib qohumlarının yanına getsələrdə gənclər polislər tərəfindən saxlanılıblar.

Faktla bağlı cinayət işi açılıb.