Biləsuvarda BƏDBƏXT HADİSƏ: Toya gəldi, bıçaqlandı...

Biləsuvarda toyda bıçaqlanan 49 yaşlı kişinin vəziyyəti ağırdır.

Avtosfer.az-ın məlumatına görə, Tibbi Ərazi Bölmələrini İdarəetmə Birliyinidən Oxu.Az-a bildirilib ki, dünən saat 22 radələrində 1977-ci il təvəllüdlü şəxs (kişi) xəsarət alması səbəbi ilə Biləsuvar Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Ona döş qəfəsinin açıq yarası diaqnozu təyin edilib.

Pasiyent üzərində əməliyyat icra edilib, zəruri tibbi xidmətlər göstərilib. Hazırda pasiyentin müalicəsi Reanimasiya şöbəsində davam etdirilir. Vəziyyəti orta ağır qiymətləndirilir.

***09:41

Biləsuvar rayonundakı şadlıq sarayında 49 yaşlı Eldar Vəliyev bıçaqlanıb.

Avtosfer.az xəbər verir ki, ağır xəsarətlər alan şəxs rayon xəstəxanasına çatdırılıb. Onun vəziyyəti qənaətbəxş qiymətləndirilir.

Hadisəni törətməkdə şübhəli bilinən 32 yaşlı Ülvü Qurbanov saxlanılıb.