Bina çökdü - 60 nəfər öldü

Tailandın paytaxtı Banqkokda zəlzələ zamanı Baş Auditor İdarəsinin tikintisi davam edən binasının çökməsi nəticəsində ölənlərin sayı 63 nəfərə çatıb.

Avtosfer.az "Report"a istinadən xəbər verir ki, bu barədə şəhər administrasiyası məlumat yayıb.

Bildirilib ki, 30 mərtəbəli binanı dağıdan zəlzələdən bir ay sonra 31 nəfər itkin düşmüş hesab olunur. Xilasetmə xidmətləri axtarış əməliyyatını davam etdirir.

Xatırladaq ki, martın 28-də Myanma ərazisində güclü zəlzələ baş verib. Tailand Meteorologiya Departamentinin məlumatına görə, onun maqnitudası 8,2 təşkil edib. Zəlzələ qurbanlarının sayı 2,7 min nəfəri ötüb. Zəlzələdən Tailand da zərər çəkib.