Binəqədidə 22 yaşlı oğlan 2 nəfəri bıçaqladı

Binəqədi rayonunda iki nəfər bıçaqlanıb.

Avtosfer.az xəbər verir ki, hadisə rayonun Biləcəri qəsəbəsində qeydə alınıb.

Belə ki, yaşadıqları evin yaxınlığında yerləşən kafenin qarşısında tanımadıqları şəxs tərəfindən aralarında yaranmış mübahisə zamanı 34 yaşlı Alışov Pərviz Ağaverdi oğlu və 25 yaşlı Mirzəyev Elcan Şahüseyin oğlu bıçaqlanıblar. Yaralılar xəstəxanaya yerləşdirilib.

Şübhəli şəxs qismində 22 yaşlı İmanov Pənah Xanad oğlu saxlanılıb.

Faktla bağlı cinayət işi başlanılıb.

(qafqazinfo)