Cərimələrdən bezən sürücü kameraları güllələdi

Qəribə hadisə Özbəkistanın Əndican şəhərində baş verib.

Avtosfer.az xəbər verir ki, cərimələrdən bezən sürücü şəhərdəki nəzarət kameralarına tüfəngdən atəş açıb. 49 yaşlı kişinin əməlindən Əndican küçələrindəki 51 kamera zərər görüb, “Uztelecom” şirkətinə 132 min manat zərər dəyib. 

Hadisəni törədən şəxs saxlanılıb və ona qarşı “ictimai əmlakı məhvetmə” maddəsi ilə ittiham irəli sürülüb. Onu 360 saatadək ictimai iş və ya 3 ilədək həbs cəzası gözləyir.  

Maraqlıdır ki, hadisəni törədən şəxs sosial şəbəkədə qəhrəmanlaşdırılıb. Hadisə barədə beynəlxalq media da xəbər yayıb.

Vüqar Yaşaroğlu