"Chevrolet"in pəncərəsindən çölə çıxan qadın yola əyilib təhlükə yaratdı - VİDEO

Avtomobilin şüşəsindən başını və bədəninin bir hissəsini çölə çıxardan qadın sərnişin videoya çəkilib.

Avtosfer.az xəbər verir ki, xoşagəlməz hadisə səhər saatlarında bölgələrdən birində qeydə alınıb. Videodan da göründüyü kimi, hərəkətdə olan 77-YS-732 dövlət nömrə nişanlı “Chevrolet” markalı avtomobilin arxa oturacağında əyləşən sərnişin maşının şüşəsindən çölə çıxaraq yola tərəf əyilib və özünü təhlükəyə atıb. Görüntünü qeydə alan avtomobildəki sürücünün də törətdiyi xəta kameraya düşüb. Belə ki, o, düz xəttin tələbini pozaraq qarşı tərəfə keçməyə çalışıb. 

Təəsüflə qeyd edək ki , bəzi sərnişinlər "şou" göstermek niyyətilə maşının pəncərəsindən, yaxud lyukundan başını bayıra çıxararaq özlərini təhlükəyə atırlar. Təbii ki, sürücüylə yanaşı avtomobildə olan sərnişin də təhlükəsizlik kəmərindən istifadə etməli və təhlükə yaradacaq hərəkətlər etməməlidir.

Nərmin