Dini ayində izdiham nəticəsində 6 nəfər ölüb, 50 nəfər yaralanıb

Hindistanın Qoa ştatında dini ayinin yerinə yetirilməsi zamanı yaranan izdihamda azı 6 nəfər ölüb, 50 nəfər yaralanıb.

Avtosfer.az xəbər verir ki, bu barədə NDTV məlumat yayıb.

“Qoa ştatının Şirqao şəhərindəki məbəddə hər il keçirilən “Lairai Devi Catra” yürüşü zamanı baş verən izdiham nəticəsində azı 6 nəfər ölüb, 50-dən çox adam ağır yaralanıb”, - məlumatda deyilir.

İlkin məlumata görə, faciə tədbirdə böyük izdihamı nəzarət altına almaq üçün tədbirlərin görülməməsi səbəbindən baş verib.

Qeyd edək ki, yanvar ayında da Hindistanın Prayaqrac şəhərində “Kumbh Mela” dini festivalı zamanı izdihamda azı 15 nəfər həlak olmuşdu.