DİN-in keçmiş əməkdaşı İspaniyada ölü tapılıb

Ukrayna Daxili İşlər Nazirliyinin Mütəşəkkil Cinayətkarlıqla Mübarizə İdarəsinin keçmiş əməkdaşı İqor Qruşevski İspaniyada ölü tapılıb.

Avtosfer.az Oxu.az-a istinadən xəbər verir ki, bu barədə Ukrayna Xarici İşlər Nazirliyi məlumat yayıb.

Məlumata görə, kişi Vilyaxoyosdakı "Cala Alta" yaşayış kompleksinin hovuzunda boğularaq ölüb. Hadisənin digər təfərrüatı məlum deyil.

İspaniyanın "El Español" nəşrinin məlumatına görə, Qruşevski qeyri-müəyyən şəraitdə ölüb. Onun meyiti iyunun 29-da yaşayış kompleksinin hovuzunda heç bir zorakılıq əlamətləri olmadan aşkar edilib. KİV-in məlumatına görə, onun ölümünə qəfil ürək dayanması və ya insult səbəb ola bilərdi, lakin hüquq-mühafizə orqanları qətl versiyasını nəzərdən keçirir.

Digər oxşar insident 2024-cü ilin fevralında baş verib. Rusiyaya məxsus "Mi-8" helikopterini qaçıran keçmiş pilot Maksim Kuzminov Viyaxoyosadakı evinin qarşısındakı dayanacaqda öldürülüb. Bildirilir ki, hadisə Qruşevskinin tapıldığı yerin yaxınlığında baş verib.