Evdən qızıl, kartdan pul oğurlayanlar saxlanıldı

Paytaxtın Xətai rayonunda yerləşən evlərin birindən 7400 manat dəyərində qızıl-zinət əşyası, 70 manat və 900 dolların oğurlanıb. Avtosfer.az xəbər verir ki, polis əməkdaşlarının keçirdikləri tədbirlərlə cinayəti törətməkdə şübhəli bilinən, əvvəllər dəfələrlə məhkum olunmuş 38 yaşlı R.Bağıyev saxlanılıb.

Səbail rayonunda bir nəfərin bank kartını və 300 manatını talamaqda şübhəli bilinən qadın da polis əməkdaşları tərəfindən saxlanılıb. 

Faktlarla bağlı araşdırma aparılır.