Gəncədə dəmir konstruksiya aşdı - Yaralılar var - FOTO

Gəncədə tikinti konstruksiyasının yaxınlığında quraşdırılan dəmir konstruksiyasının aşması nəticəsində biri azyaşlı olmaqla üç nəfər xəsarət alıb.

Avtosfer.az qafqazinfo-ya istinadən xəbər verir ki, hadisə şəhərin H.Əliyev prospektində qeydə alınıb.

Binaların üzlüyü yenilənməsi zamanı qurulan dəmir kosntruksiya aşıb.

Araşdırma başlanılıb.

Məsələ ilə bağlı TƏBİB-dən bildirilib ki, bu gün saat 14:20 radələrində biri azyaşlı olmaqla 2 nəfər (1 qadın, 1 kişi) Gəncə Şəhər Birləşmiş Xəstəxanasının Təcili tibbi yardım şöbəsinə hospitalizasiya olunub:

“Müxtəlif növ yüngül bədən xəsarətləri alan pasiyentlərə zəruri tibbi xidmətlər göstərilib. Vəziyyəti stabil olan şəxslər ambulator müalicə üçün evə buraxılıblar”.