Gəncədə evdə su qızdırıcı partladı - YENİLƏNİB

Bu gün saat 15:20-də Gəncə Şəhər Birləşmiş Xəstəxanasının nəzdində olan Abbas Səhhət adına xəstəxananın Təcili tibbi yardım şöbəsinə 1978-ci il təvəllüdlü (qadın cinsli) şəxs yanıq xəsarətləri ilə hospitalizasiya olunub. 

Bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib. 

Bildirilib ki, qadına hər iki qolun alt nahiyəsinin 9-10 faiz yanığı diaqnozu təyin edilib:

"Pasiyentə zəruri yardım göstərilib. Vəziyyəti stabil qiymətləndirilən şəxs ambulator müalicə üçün evə buraxılıb".(oxu.az)

***16:09
Gəncədə evdə su qızdırıcı partlayıb.

Avtosfer.az report-a istinadən xəbər verir ki, hadisə nəticəsində 1979-cu G.Məmmədova müxtəlif dərəcəli yanıq xəsarətləri alıb.

Qadın xəstəxanaya çatdırılıb, vəziyyəti orta-ağır qiymətləndirilir.

Faktla bağlı araşdırma aparılır.