Gəncədə qəbiristanlıqda bıçaqlanma: 70 manata görə dostuna xəsarət yetirdi

Gəncədə qəbiristanlıqda bıçaqlanma hadisəsi baş verib.

Avtosfer.az-ın Oxu.az-a istinadən məlumatına görə, hadisə Gəncə şəhəri, Süleyman Tağızadə küçəsində yerləşən "köhnə qəbiristanlıq" adlanan ərazidə qeydə alınıb. İsmayıllı rayonunda qeydiyyatda olmaqla Gəncə şəhərindəki yataqxanada məskunlaşan, 1996-cı il təvəllüdlü Xəyal Salamov dostu Vəlidən 70 manat borc alıb.

Bir müddətdən sonra Vəli borcunu istəyib. Xəyal bildirib ki, yaxın günlərdə onun borcunu qaytaracaq.

İki gün sonra Vəli yenidən borcunu istəyib və Xəyalla mübahisə edib. Vəli Xəyalı avtomobilinə mindirərək Gəncə şəhərindəki qəbiristanlığa aparıb və orada mübahisə davam edib. Mübahisə davaya çevrilib və Vəli Xəyalı yumruqla vurub. Zərbənin təsirindən yıxılan Xəyal üzərində gəzdirdiyi bıçaqla Xəyala xəsarət yetirib. Daha sonra Xəyal Vəlini avtomobilə qoyaraq xəstəxanaya çatdırıb.

Faktla bağlı cinayət işi başlanıb və iş məhkəməyə göndərilib.

Gəncə Ağır Cinayətlər Məhkəməsinin hökmü ilə X.Salamov beş il altı ay müddətinə azadlıqdan məhrum edilib.