Gəncədə qəza nəticəsində işıqfor və yol nişanı yararsız hala düşüb - RƏSMİ - VİDEO

Gəncə şəhəri Heydər Əliyev prospektində quraşdırılmış işıqfor və yol nişanı yararsız hala düşüb.

Avtosfer.az xəbər verir ki, mövcud problemlə bağlı şəhər sakini sosial şəbəkə hesabında paylaşım edib. O iddia edib ki, ərazidə yol-nəqliyyat hadisənin baş verdiyi üçün işıqfor qırılıb. Lakin vətəndaş hələ də işıqforun təmir olunmadığını qeyd edib.
Qeyd edək ki, şəhər sakinləri məsələylə bağlı aidiyyəti quruma müraciət etdiklərini vurğulayıblar.

DİN-in Mətbuat Xidmətinin Gəncə regional qrupunun baş inspektoru Eşqin Qasımov Avtosfer.az-ın sorğusunu cavablayıb. O bildirib ki, sözügedən ərazidə ötən gün qəza baş verib. Belə ki, “VAZ-2104” markalı maşını idarə edən sürücü idarəetməni itirərək avtomobili yol kənarındakı işıqfora və yol nişanına çırpıb. Onun sözlərinə görə, əraziyə baxış keçirilib və qırılan işıforun təmirinə başlanılıb.

Nərmin