Taksi duracağını zəbt edib sürücünü çıxılmaz vəziyyətdə qoydular - VİDEO

Paytaxtın Mikayıl Rəfili küçəsində dayanma-durma qaydalarını pozan sürücülər görüntülənib.

Avtosfer.az-a müraciət edən izləyicilərdən biri hadisə ilə bağlı “WhatsApp” ünvanımıza video göndərib.

Kadrlardan göründüyü kimi, 77-RV-709 dövlət qeydiyyat nişanlı “Ford” markalı, 77-CA-780 dövlət qeydiyyat nişanlı “Toyota Prado” markalı və 90-FE-144 dövlət qeydiyyat nişanlı “Mercedes” markalı avtomobillər taksi duracağında saxlanılıb.

Nəticədə əraziyə müştəri götürmək üçün gələn taksi sürücüsü duracaqdan istifadə edə bilməyib. O, məcbur qalaraq avtomobilini binanın girişində saxlamaqla sərnişin götürüb.

Xatırladaq ki, taksi duracaqları yalnız taksi minik avtomobillərinin dayanması üçün nəzərdə tutulub. Digər nəqliyyat vasitələrinin həmin ərazilərdə saxlanılması taksilərin fəaliyyətinə maneə yaradır və yol hərəkətinin təşkilinə mənfi təsir göstərir.

Nərmin