“Gənclik Mall"un qarşısında "Prius" yola qaçan piyadanı belə vurdu - REAL VİDEO

Bakıda piyadanın vurulmasıyla nəticələnən yol qəzası anbaan kameraya düşüb.

Avtosfer.az-ın məlumatına görə, hadisə bir müddət əvvəl Nərimanov rayonu Fətəli xan Xoyski küçəsində (“Gənclik Mall” ticarət mərkəzinin qarşısı) qeydə alınıb.

Hərəkətdə olan “Toyota Prius” markalı avtomobilin sürücüsü yolu təyin olunmamış yerdən qaçaraq keçən qadını vurub. Sürücü son anda sola manevr etsə də qəzadan yayına bilməyib. Əksinə o, yola yıxılan qadına dəyərək piyadanı bir neçə metr kənara atıb. Zərbənin təsirindən qadın müxtəlif dərəcəli bədən xəsarətləri alıb. 

Qeyd edək ki, ərazidə yeraltı piyada keçidi var.

Nərmin