Göldən ata və iki azyaşlı övladının meyiti tapılıb

Gürcüstanın Qardabani rayonunun Poladaantkari kəndi ərazisində yerləşən göldən ata və iki azyaşlı övladının meyiti tapılıb.

Avtosfer.az bu barədə "Report"a istinadən məlumat verir.

İlkin ehtimallara əsasən, ata uşaqları ilə birgə balıq tutmağa gedib. Onlardan iki gün ərzində xəbər alınmadığı üçün axtarış işlərinə başlanılıb.

Gürcüstan Daxili İşlər Nazirliyi faktla bağlı araşdırmalara başlayıb. Qurumdan verilən məlumata görə, hadisə ilə bağlı Gürcüstan Cinayət Məcəlləsinin 115-ci maddəsi (özünü öldürmə həddinə çatdırma) üzrə istintaq aparılır.