Göygöldə qanunsuz tikili söküldü - FOTOLAR

Göygöl rayonunun Üçtəpə kəndi ərazisində qanunsuz tikili sökülüb.

Avtosfer.az xəbər verir ki, tikintinin kənd təsərrüfatı təyinatlı torpaq sahələrində aparıldığı müəyyənləşib.

Monitorinqlər Göygöl Rayon İcra Hakimiyyəti yanında rayonda tikinti norma və qaydalarına riayət olunmadan aparılan tikintilərin müəyyən edilməsi məqsədilə yaradılmış komissiyanın üzvlərinin, FHN-nin Tikintidə Təhlükəsizliyə Nəzarət Dövlət Agentliyinin Qərb Regional Mərkəzinin, Əmlak Məsələləri Dövlət Xidmətinin Gəncə Ərazi Şöbəsinin və hüquq-mühafizə orqanlarının nümayəndələrinin iştirakı ilə aparılıb.

Aparılan monitorinqlərin bundan sonra da mütəmadi olaraq davam etdirilməsi nəzərdə tutulur.