Güclü külək ağacları yollara və avtomobillərin üzərinə aşırıb - FOTO

İtaliyanın şimalındakı Emiliya-Romanya regionunda hökm sürən əlverişsiz hava şəraiti fəsadlar törədib.

Avtosfer.az xəbər verir ki, leysan yağışı və dolu Ravenna, Çervia və Rimini şəhərlərində daşqınlara səbəb olub, küçələri və iş yerlərini su basıb. İnsanlar avtomobillərdə köməksiz vəziyyətdə qalıblar.

Güclü külək ağacları yollara və avtomobillərin üzərinə aşırıb, bu, nəqliyyatın hərəkətinə mənfi təsir edib. Ağacların qatar relslərinə aşması nəticəsində Rimini-Ravenna dəmir yolu xəttində dayanmış qatardan 23 nəfər təxliyə olunub.

Bölgədə küləyin sürəti saatda 100 kilometrə çatıb. İnfrastruktura, çimərliklərdəki obyektlərə və avtomobillərə ziyan dəyib. Ziyanın miqyasını müəyyənləşdirmək üçün araşdırma aparılır.